Дали државната матура навистина ја мери подготвеноста на учениците?
Гледајте го целиот поткаст со Ице Беличев, професор по македонски јазик на YOUTUBE
Државната матура, иако замислена како објективен инструмент за евалуација на знаењето, сè почесто се доведува под прашање кога станува збор за нејзината вистинска функција и ефективност. Реалноста покажува дека со ваков тип на тестирање не можеме со сигурност да го измериме вистинското знаење и способностите на учениците. Причините за ова се бројни – од различното ниво на подготовка во училиштата, преку нерешениот проблем со препишувањето, па сè до недостатокот на вистински мотивациски пристап во наставата.
„Многу пооправдано е да се полага приемен испит на факултети (стручни предмети) отколку полагање на државна матура“ – вели Беличев.
Во еден образовен систем што сака да напредува, потребни се мерки што навистина ќе ги одразат знаењето, критичкото размислување и потенцијалот на учениците. Време е да размислуваме надвор од рамките и да создадеме услови за поквалитетна евалуација и вистински фер шанси за сите млади луѓе.
Проблемот со препишување за време на тестовите се провлекува веќе неколку години.
„Тестаторите на се полицајци, јас не гледам вина во нив. Тие гледаат 15 ученици и шансите за учениците да препишуваат постојат.“ – вели професорот и оценувач при полагање државна матура.
Секако, постојат начини да се минимизира проблемот со препишувањето на државната матура – технолошки решенија, подобра организација, блокатори итн. Но вистинското прашање не е „дали можеме да се справиме“, туку „дали навистина сакаме да се справиме?“ Промените бараат волја, одговорност и визија – нешто што мора да доаѓа и од институциите и од самата образовна заедница.
Во еден образовен систем што сака да напредува, потребни се мерки што навистина ќе ги одразат знаењето, критичкото размислување и потенцијалот на учениците. Време е да размислуваме надвор од рамките и да создадеме услови за поквалитетна евалуација и вистински фер шанси за сите млади луѓе.
