Сè почесто гледаме млади кои седнуваат зад воланот уште на 15 години, без никаква свест за ризиците што ги носи тоа. Затоа, се поставува прашањето – треба ли сообраќајната култура да стане дел од образовниот систем? Децата уште од прво одделение треба да учат за сообраќајните правила, а родителите да имаат поголема одговорност во пренесувањето на тие вредности.

Сообраќајна (не)култура и недостаток на контрола 🚦

Дали сообраќајната култура во Македонија е на задоволително ниво? Според нашиот соговорник, еден од најголемите проблеми е што многу возачи не ги почитуваат правилата, туку само се плашат од казни. Од друга страна, недостатокот на соодветна контрола од страна на полицијата доведува до зголемен број прекршувања – возење со недозволена брзина, управување на возило под дејство на алкохол и други ризични однесувања кои директно водат до несреќи.

Кој сè е загрозен во сообраќајот? ⚠️

Покрај возачите, една особено ранлива група се мајките со колички и лицата со хендикеп, кои буквално немаат простор да се движат по тротоарите. Возилата паркирани на пешачки патеки и недостигот на пристапни рампи ги прават улиците небезбедни за секого, освен за автомобилите.

Дополнителен ризик се и електричните тротинети, кои се повеќе се користат, но без јасни правила на движење. „Возат со несоодветна брзина, по улиците наместо по тротоарите, и често се ризик за пешаците,“ истакнува Стојменов.

Кој е одговорен за безбедноста? 🤔

Можеби ќе ве изненади, но статистиките покажуваат дека пешаци се одговорни за најголем број сообраќајни незгоди. Колку навистина внимаваат кога преминуваат улица? Колку од нив ги почитуваат семафорите и пешачките премини? На крајот на денот, безбедноста не зависи само од институциите, туку и од нас самите.

⏩ Време е за промена! Да работиме заедно на создавање подобра сообраќајна култура, повеќе свест и одговорност на патиштата.

Погледнете ја целата епизода овде и споделете ги вашите размислувања!