Според истражувачите, ова „шесто сетило“ игра улога и во нормалното слушање на геконите, како и во начинот на кој тие го регистрираат светот околу нив. Тимот верува дека е можно овој досега непризнаен механизам да постои кај други влекачи, што би можело да го промени конвенционалното гледиште за сетилото за слух кај животните и неговата еволуција.

– Увото, колку што знаеме, слуша звук што се пренесува преку воздухот. Сепак, овој внатрешен орган, обично поврзан со одржување на рамнотежа, им помага на геконите да ги откријат вибрациите што „патуваат“ низ копно или вода. Овој механизам постои кај водоземците и рибите, а сега се покажа дека е зачуван и кај гуштери. Нашите откритија даваат нови сознанија за развојот на сетилото за слух од она на рибите до она на копнените животни – рече во изјавата Катрин Кар, професор по биологија на ОМД.

Saculus може да детектира благи вибрации од 50 до 200 херци, што е спектар под она што гекоите вообичаено можат да го слушнат. Додека геконите можат да слушнат звук што патува низ воздухот, многу влекачи ја немаат оваа способност.

Водечкиот автор на студијата Дејви Хан, постдокторски соработник на ОМД, вели дека откривањето на новата улога на сакулусот кај геконите може да доведе до подобро разбирање на комуникацијата кај другите животни со ограничен слух.

– Се смета дека многу змии и гуштери се неми или глуви. Но, произлегува дека тие би можеле да комуницираат користејќи вибрациони сигнали – рече тој.