„Добивме увид во скриениот дел од животот на Земјата и неговата извонредна биолошка разновидност“, вели професорот Едвард Холмс од Факултетот за медицински науки на Универзитетот во Сиднеј. „Ова е најголемиот број на нови видови вируси откриени во една студија, што значително го зголемува нашето знаење за вирусите што живеат меѓу нас.

Постојат милиони неоткриени типови на вируси и истиот пристап може да се примени за да се идентификуваат бактериите и паразитите.

Додека РНК вирусите обично се поврзани со човечка болест, тие исто така може да се најдат во екстремни средини низ целиот свет, па дури и да играат клучна улога во глобалните екосистеми. Истражувачите сега ги пронајдоа во атмосферата, термалните извори и хидротермалните отвори.

„Фактот што толку многу видови вируси живеат во екстремни средини е уште еден пример за нивната феноменална разновидност и способност да живеат во најтешки услови, што може да ни покаже како настанале вирусите и другите елементарни форми на живот“, вели Холмс.

Функционирањето на вештачката интелигенција

Истражувачите изградија алгоритам за длабоко учење за обработка на огромни количини на генетски податоци, вклучувајќи долги вирусни геноми кои содржат до 47.250 нуклеотиди и геномски сложени информации.

„Огромното мнозинство од овие вируси веќе беа секвенционирани и во јавно достапни бази на податоци, но беа толку различни што никој не знаеше што се“, вели Холмс. „Тие го содржеа она што често се нарекува темна материја. Нашиот метод успеа да ги организира и категоризира сите тие различни информации, расветлувајќи го за прв пат значењето на таа темна материја“.

Инструментот за вештачка интелигенција беше подготвен да ја земе предвид темната материја и да ги идентификува вирусите врз основа на секвенците и секундарните структури на протеините за репликација на сите РНК вируси. Откривањето на вирусот е значително забрзано. Традиционалните методи бараат многу повеќе време.

Моделот базиран на вештачка интелигенција овозможува исклучителна чувствителност и специфичност, длабинско проучување на вирусната разновидност. LucaProt претставува значајна интеграција на најнапредната технологија за вештачка интелигенција и вирологија и покажува дека вештачката интелигенција може ефикасно да извршува задачи за биолошко истражување.

Оваа интеграција дава вредни сознанија и поттик за понатамошно декодирање на биолошките секвенци и деконструкција на биолошките системи од нова перспектива.

Очигледниот следен чекор е да го обучиме нашиот метод да открие уште повеќе од оваа извонредна разновидност и којзнае какви дополнителни изненадувања не очекуваат, вели Холмс.