Што е ново

Facebook-f


Youtube


Instagram


Tiktok


Linkedin

Плаќање данок до подобро општество – Поткаст со Маре Данкова

Најновата епизода од нашиот поткаст „Во светот на жената“, го  посветивме на важни општествени и економски прашања  имавме прилика да разговараме со Маре Данкова, виш даночен извршител, даночна испекција од Штип. Оваа епизода нуди длабински увид во тоа како се однесуваме кон плаќањето на даноците и колку сме свесни за нашите обврски кон државата.

Со Маре Данкова дискутиравме за едно од најзначајните прашања: Дали граѓаните и компаниите во нашата земја ги подмируваат своите даночни обврски навреме? Соочувајќи се со предизвиците на економската криза, многу граѓани и компании бараат начини да ги исполнат своите обврски кон државата, а една од алтернативите што ја нуди Управата за јавни приходи (УЈП) е можноста за репрограм и плаќање на рати. 

Оваа опција може значително да го олесни товарот, но прашањето останува: дали сме доволно одговорни да ги искористиме овие можности?

Зборевме и за тоа како УЈП, како институција, не се стреми кон казнување, туку кон зголемување на свеста и културата за навремено плаќање на даноците. Маре јасно ја истакна оваа цел, нагласувајќи дека подобрувањето на даночната култура е клучно за стабилноста на економијата и благосостојбата на сите граѓани.

Но, тоа не е сè. Оваа епизода се вме и на прашањата кои се однесуваат на недомаќинското работење, економската криза и нивната улога во заостанувањето на компаниите со плаќањето на даноците. Како овие фактори влијаат на финансиската дисциплина и што може да се направи за да се подобри ситуацијата?

Дополнително, Маре ги разгледа и причините зошто дивите продавачи на храна, изнајмувачите на станови и учесниците во онлајн игрите не ги пријавуваат и не ги плаќаат своите обврски кон државата. Кој е одговорен за оваа појава и како може да се реши овој проблем?

Оваа епизода е исклучително важна за сите кои сакаат да го разберат функционирањето на даночниот систем во нашата земја и да научат повеќе за тоа како да ги исполнат своите обврски на најефикасен начин.

Не пропуштајте ја новата епизода на „Во светот на жената“! Дознајте повеќе и приклучете се во подобрување на даночната култура во нашето општество.

Целиот поткаст гледајте го овде 👉 https://www.youtube.com/watch?v=2uhCP5y6nLY&t=1253s

Плаќање данок до подобро општество – Поткаст со Маре Данкова

Многу луѓе мислат дека е здрав, но популарниот засладувач го зголемува ризикот од срцев удар

Петтина од лековите во Африка се неисправни или фалсификувани

Дали „она што не нè убива“ може да нè направи посилни

Велика Британија развива квантен интернет што не може да се хакира

Ајкули во италијански аквариум се размножуваат без оплодување

Доделени наградите на 19-тиот „Aстeрфест“

Децата кои го пропуштаат појадок се помалку среќни и весели во животот

Пронајдени клучните неврони за создавање на врската мајка-бебе

Со Apple Vision Pro преку мислите можете да испраќате пораки, да гледате ТВ, па дури и да играте игрички

Кај нас

• 
  Што е ново
  
• 
  Својкаст
  
• 
  Муабети
  
• 
  Влог
  
• 
  За нас
  

Кои сме ние

• Дигитална платформа
• Мултимедијални содржини
• Инспиративни приказни
• Будиме идеи

Следете не!

• 
  Facebook
  
• 
  YouTube
  
• 
  Instagram
  
• 
  Tiktok
  
• 
  Linkedin
  

BidSvoj 2023 © Сите права задржани

Дел од дискусијата беше наменета за стресот како фактор кај мозочните удари. Како што рече нашиот гостин стресот, согласно научните истражувања, е препознаен како еден од најголемите ризични фактори за мозочен удар. Посебно во денешното брзо и зафатено општество, каде што луѓето се изложени на различни видови притисоци, важно е да се разгледа начинот на кој стресот може да влијае на нашето здравје. Менаџирањето на стресот станува поедноставно кога се освестува дека зависи од нас. Способноста да го контролираме и управуваме со нашите реакции на стресот е во нашите раце и може да придонесе значително за нашата општа благосостојба.

Со Филипче зборувавме и за неговата улога како како поранешен министер за здравство во времето кога целиот свет се соочуваше со КОВИД пандемија како еден од најтешките периоди во историјата на државата. 

Facebook-f


Youtube


Instagram


Tiktok


Linkedin

Доделени наградите на 19-тиот „Aстeрфест“

Членовите на официјалното жири на 19-тиот „Астерфест“, Зејгам Азизов од Велика Британија, Ганимет Сава од Косово и Никола Пијанманов од Македонија, синоќа, на 3 август 2024, во Струмица, едногласно донесоа одлука за наградените автори и филмови.

Гран прито (Најдобар краток филм) го доби краткиот игран филм „ЉУБОВНИ МАКИ“ на Александер Саул (ММ Продукции, Данска). Златната потковица ја доби краткиот анимиран филм „ГИЛГАМЕШ“ на Шаќир Весели (Албанија). Сребрената потковица ја доби краткиот игран филм „ПРОШЕТКА“ на Елеонора Венинова (Македонија). Бронзената потковица ја доби краткиот игран филм „ФОРТИСИМО“ на Виктор Цеска (Франција). 

Наградата за најдобар режисер „Ацо Алексов“ ја доби Небојша Слијепчевиќ за краткиот игран филм „ЧОВЕКОТ КОЈ НЕ МОЖЕШЕ ДА МОЛЧИ“ (Хрватска). Наградата за најдобро сценарио „Ѓорѓи Абаџиев“ ја доби краткиот анимиран филм „СПОМЕНИК“ на Сиџјиа Џенг и Џјашји Ву (САД). Специјални признанија од жирито добија и краткиот документарен филм „ЗА ЖИВЕЕЊЕТО“ на Сезер Салихи (Македонија) и краткиот анимиран филм „МИГОВИ“ на Катја Фридрих (Германија).Вечерва, во 20:30 часот во Амфитеатарот астерфестовската публика ќе има прилика да ја гледа раритетната копија на долгометражниот игран филм „Преку езерото“ во чест на лауреатот Антонио Митрикески, како и кратките филмови „Со кренати раце“ на Митко Панов и „Лифт горе, лифт долу“ во режија на Душан Наумовски.Утревечер, на последната фестивалска вечер, ќе бидат прикажани наградените кратки филмови, како и култниот филм „Црно семе“, во знак на 5-годишнината од смртта на Кирил Ценевски.

Доделени наградите на 19-тиот „Aстeрфест“

Децата кои го пропуштаат појадок се помалку среќни и весели во животот

Пронајдени клучните неврони за создавање на врската мајка-бебе

Со Apple Vision Pro преку мислите можете да испраќате пораки, да гледате ТВ, па дури и да играте игрички

Планетата гори! Се водат најголем број на војни во последните 10 години

Почеток на 19. „Астерфест“

Јапонија започнува со клиничко тестирање на вештачки црвени крвни зрнца

Ова се најмоќните и најслабите пасоши во светот

Протеините во крвта го предвидуваат ризикот од развој на повеќе од 60 болести

Откриена е една од најстарите сметки во светот

Кај нас

• 
  Што е ново
  
• 
  Својкаст
  
• 
  Муабети
  
• 
  Влог
  
• 
  За нас
  

Кои сме ние

• Дигитална платформа
• Мултимедијални содржини
• Инспиративни приказни
• Будиме идеи

Следете не!

• 
  Facebook
  
• 
  YouTube
  
• 
  Instagram
  
• 
  Tiktok
  
• 
  Linkedin
  

BidSvoj 2023 © Сите права задржани

Facebook-f


Youtube


Instagram


Tiktok


Linkedin

Почеток на 19. „Астерфест“

Деветнаесеттото издание на интернационалниот филмски фестивал „Астерфест“, во знакот на авторскиот филм, ќе започне на 1 август во 20:30 часот, во Амфитеатарот во Струмица, со проекција на канскиот лауреат „Човекот кој не можеше да молчи“ во режија на Небојша Слијепчевиќ. Овој тринаесетминутен хрватски филм, со Горан Богдан во главната улога, неодамна освои „Златна палма“ за краток филм на Канскиот филмски фестивал.

Дејствието на филмот се случува на 27 февруари 1993 година, во Штрпци, Босна и Херцеговина. Патнички воз на линијата Белград – Бар е запрен од паравоени сили во акција на етничко чистење.

Додека ги извлекуваат невините цивили, само еден човек од 500 патници се осмелува да им се спротивстави. Ова е вистинска приказна за човекот кој не можел да молчи. Филмот е успешна копродукција меѓу Хрватска, Словенија и Бугарија и е во продукција на „Антиталент“ од Загреб, а зад него стојат имињата на продуцентите Катарина Прпиќ и Даниел Пек. Значајно е дека оваа награда авторот Слијепчевиќ му ја посветил на Тома Бузов, човекот кој го инспирирал за овој филм и чијашто приказна ја раскажал.

Лауреат на наградата „Астер“ на овогодишниот „Астерфест“ е македонскиот режисер и сценарист Антонио Митрикески, кој оваа престижна награда ја добива за неговата исклучителна филмска поетика и естетски вдахновениот и минуциозен филмски опус. Наградата на Митрикески ќе му биде доделена на самиот чин на отворањето на „Астерфест“.

Во првата натпреварувачка вечер, покрај „Човекот кој не можеше да молчи“, на програмата се уште дванаесет селектирани кратки филмови: „Гилгамеш“ на Шаќир Весели, „Астран“ на групата автори од „Исарт“, „Глувчевата куќичка“ на Тимон Ледер, „Луди и свесни“ (премиера) на Мануела Златкова, „Споменик“ на Сиџија Џенг и Џјашји Ву, „Малиот талкач“ на Каролина Томкова, „Полжавска приказна“ на Ели Воткинс и Хелен Грифитс, „Песок“ на Розе Торн и Матео Коста, „Сламеница кон иднината“ на Николас Нојхолд, „Оп, риба“ на Вибин Виџајан, „Шепкач“ на Младен Ѓукиќ и „Сржта“ на Оберт.

Втората натпреварувачка вечер започнува во 20:30 часот, во Амфитеатарот, со претставување на двократните оскаровци Ким Магнусон и Ребека Прузан од Данска, кои како југоисточноевропска премиера ќе го прикажат својот најнов филм „Љубовни маки“ во режија на Александер Саул. Веднаш потоа следуваат уште десет ексклузивни кратки филмови: европската премиера на „Избавени од злотворот“ на Бенџамин Хекман и Лук Сарџент и „Мигови“ на Катја Фридрих, „Фортисимо“ на Виктор Цеска, „Солени животи“ на Рустам Мелиев, „Гнездо“ на Настимир Цачев, „За живеењето“ на Сезер Салихи, „Навја“ на Ана Шиленкова, „Почест“ на Мат Цискас, „Прошетка“ на Елонора Венинова и „Ги знаеш правилата“ на Овен Тут.

На програмата се филмови од дваесетина држави од сите меридијани, кои ги потпишуваат референтни, високопрофесионални продукции, универзитети и независни филмски автори, од кои повеќето се веќе искусни, а некои се дебитанти.

Македонскиот ликовен уметник Никола Пијанманов, кој е и член на овогодишното интернационално филмско жири на „Астерфест“, изработи уникатни статуетки што од оваа година ќе бидат официјални награди за лауреатите на „Астерфест“. Пијанманов е уметник роден во Струмица, дипломирал на Факултетот за ликовни уметности на Универзитетот „Св. Кирил и Методиј“ во Скопје. Автор е на повеќе уметнички дела, јавно изложувани, а своите дела ги има претставувано и на неколку самостојни изложби. Како активен и самостоен уметник, тој е целосно посветен на сликањето, вајарството и пишувањето. Другиот член на жирито е Зејгам Азизов, британски филозоф и уметник кој моментално живее и работи во Лондон. Неговото творештво се однесува на глобалната состојба на сликите и нивната можност да ја реартикулираат критичката положба на уметникот низ прашања за времето, сликата и наративните процедури на глобализацијата со јазиците на миграцијата, медиумите и новиот мимезис. Третиот член на жирито е Ганимет Сава, основачка и претседателка на Интернационалниот филмски фестивал „Уметност без граници“ во Приштина. Таа е, исто така, сценограф, филмски и костимски дизајнер, уметнички и моден фотограф. Работела и како активист во различни асоцијации за луѓе со попреченост и за женските права. Жирито ќе одлучува за најдобрите авторски кусометражни филмови во натпреварувачката програма, за „Златната“, „Сребрената“ и „Бронзената потковица“, за Гран при за најдобар краток филм, како и за специјалните плакети „Ацо Алексов“ за најдобар автор и „Ѓорѓи Абаџиев“ за најдобро сценарио, во чест на овие двајца доајени на македонскиот филм.

На 2 август, во хотелот „Горан Пандев“, во 11 часот, ќе се одржи традиционалниот „Астер портрет“ (Тивериополска филмска беседа) за Митрикески, на кој ќе зборува критичарот Стојан Синадинов. Како своевидна филмска посвета на лауреатот Митрикески, четвртата вечер, во Амфитеатарот во Струмица, за струмичката публика ќе има и специјална проекција на неговиот долгометражен игран филм „Преку езерото“, според сценарио на Ташко Георгиевски и Митрикески, со Никола Ристановски и Агњешка Вагнер во главните улоги. „Преку езерото“ е филм во кој Константин мечтае по Елена, која е од другата страна на езерото, и се решава на неизвесна авантура, за пат преку езерото во кајче – за да стигне до неа.

Посебен настан за филмофилите ќе биде и промоцијата на книгата „Филмска објектологија“ на авторот Васил Михаил, на 3 август од 11 часот, во хотелот „Горан Пандев“, којашто ќе ја промовираат Саша Станишиќ и Далибор Плечиќ. Авторот на книгата, преку практични и теоретски инструменти, аргументира и предлага воведување на нова подгранка на филмологијата која ќе се нарекува Филмска објектологија, а сценариото за краток игран филм „Кујна“ е основната појдовна точка од која се развива теоријата за објектот во филмски кадар.

Во чест на наградените, откако жирито официјално ќе ја соопшти својата одлука, на 3 август, пред вечерните проекции, ќе има и кратко претставување на ДВД-то „Македонски кратки играни филмови“ во издание на Кинотека на Македонија, по што ќе следуваат неколку култни филмови од ризницата на македонската кинематографија. Меѓу другото, ќе се прикажат дигитално реставрираната верзија на „Црно семе“, во знак на 5 години од смртта на Кирил Ценевски, како и наградуваниот краток игран филм „Со кренати раце“ на Митко Панов.

На четвртата вечер струмичката публика ќе има прилика да ја гледа раритетната копија на долгометражниот игран филм „Преку езерото“ на лауреатот Антонио Митрикески, како и краткиот филм „Лифт горе, лифт долу“ во режија на Душан Наумовски. Сите овие проекции се овозможени во соработка со Кинотека на РС Македонија.

Покрај дел од авторите од повеќе земји, на Фестивалот се очекуваат и високи претставници од Европската филмска академија, од Скандинавската филмска диструбуција, како и од Британскиот филмски институт.

Деветнаесеттото издание на „Астерфест“ во Струмица ќе се одвива под мотото „Кинореалност ’24“. Со разновидните вечерни проекции во Амфитеатарот и со придружните дневни настани, Фестивалот ќе трае до 5 август вечерта, кога ќе се прикажат наградените филмови од натпреварувачката програма.

„Астерфест филм фестивал“, во пресрет на јубилејната сезона, организира серија промотивни настани и авторски проекции, под насловот „Тивериополски филмски денови“, а ја обнови и едицијата книги „Словенски Орфеј“.

Новитет е и востановувањето на Филмската школа на „Астерфест“, што ќе биде своевидно продлабочување на работилниците и мастер-класовите, но со светски едукациски модел на стекнувања искуства и вештини. Школата ќе биде раководена од врвни академски личности од светот на културата, филмот и драмските уметности.

Покровител на Фестивалот е Општина Струмица.

Почеток на 19. „Астерфест“

Јапонија започнува со клиничко тестирање на вештачки црвени крвни зрнца

Ова се најмоќните и најслабите пасоши во светот

Протеините во крвта го предвидуваат ризикот од развој на повеќе од 60 болести

Откриена е една од најстарите сметки во светот

Кинеските научници го докажаа постоењето на вода во примероците од почвата од Месечината

БидиСвој прашалник: Во светот на жената

Неделата беше најтоплиот ден откако се измерени температурите

Погрешните реченици на родителите често ја уништуваат самодовербата кај децата

Антонио Митрикески лауреат на наградата „Астер“

Кај нас

• 
  Што е ново
  
• 
  Својкаст
  
• 
  Муабети
  
• 
  Влог
  
• 
  За нас
  

Кои сме ние

• Дигитална платформа
• Мултимедијални содржини
• Инспиративни приказни
• Будиме идеи

Следете не!

• 
  Facebook
  
• 
  YouTube
  
• 
  Instagram
  
• 
  Tiktok
  
• 
  Linkedin
  

BidSvoj 2023 © Сите права задржани

Facebook-f


Youtube


Instagram


Tiktok


Linkedin

БидиСвој прашалник: Во светот на жената

Ве покануваме да учествувате во нашиот нов прашалник кој има за цел да собере важни податоци и мислења за серијалот на поткасти „Во светот на жената“. Вашите одговори се од исклучителна важност за нас и ќе ни помогнат да го подобриме квалитетот и содржината на нашиот поткаст, како и да ги задоволиме вашите интереси и потреби.

Нашиот прашалник вклучува прашања поврзани со вашите демографски информации, професија, и искуства со нашиот поткаст. Ние исто така сме заинтересирани да дознаеме кои теми најмногу ви привлече внимание и кои гости би сакале да ги видите во иднина. 

 Вашите сугестии и предлози ќе ни помогнат да создадеме содржини кои ќе бидат релевантни и интересни за вас. Пополнувањето на прашалникот ќе ви одземе само неколку минути, а вашиот придонес ќе биде од голема важност за нас. Ви благодариме однапред за вашето време и поддршка!

Create your own user feedback survey

Биди Свој анкета: Во светот на жената

Неделата беше најтоплиот ден откако се измерени температурите

Погрешните реченици на родителите често ја уништуваат самодовербата кај децата

Антонио Митрикески лауреат на наградата „Астер“

Водата на Земјата брзо губи кислород и опасноста е огромна

Како тоа што го јадеме во 40-тите може да влијае на нашето здравје во 70-тите

Загрижувачки бројки: Речиси 7% од интернет сообраќајот е злонамерен

Климатската криза ги продолжува деновите, ги нарушува интернетот и ГПС, покажа студијата

Гугл симнат од тронот по 5 години: Новиот квантен компјутер постигна 100 пати подобри резултати од Sycamore

Нарцисоидните луѓе се менуваат како што стареат

Кај нас

• 
  Што е ново
  
• 
  Својкаст
  
• 
  Муабети
  
• 
  Влог
  
• 
  За нас
  

Кои сме ние

• Дигитална платформа
• Мултимедијални содржини
• Инспиративни приказни
• Будиме идеи

Следете не!

• 
  Facebook
  
• 
  YouTube
  
• 
  Instagram
  
• 
  Tiktok
  
• 
  Linkedin
  

BidSvoj 2023 © Сите права задржани

Facebook-f


Youtube


Instagram


Tiktok


Linkedin

Антонио Митрикески лауреат на наградата „Астер“

Лауреат на наградата „Астер“ на овогодишниот 19. „Астерфест“ е македонскиот режисер и сценарист Антонио Митрикески.

Претходни лауреати на престижната меѓународна награда „Астер“ биле авторите: Бранко Гапо, Карољ Вичек, Лордан Зафрановиќ, Рангел В’лчанов, Боро Драшковиќ, Мигел Ермосо, Лаила Пакалнина, Тимоти Бајфорд, Владимир Блажевски, Карпо Година, Киро Урдин, Борис Геретс, Вајт Хелмер, Коле Ангеловски, Ким Лонгиното, Пиро Милкани, Јан Качер, Желимир Жилник… Исклучителната филмска поетика и естетски вдахновениот и минуциозен филмски опус на Антонио Митрикески заземаат посебно место во македонската, балканската и европската кинематографија. Покрај Милчо Манчевски и Митко Панов, Митрикески е еден од најизразитите македонски претставници на генерацијата филмски автори кои започнаа да го градат својот опус и постигнаа видни успеси веднаш по осамостојувањето на Македонија.

Наградата на Митрикески ќе му биде доделена на отворањето на „Астерфест“, на 1 август, во 20:30 часот, во Амфитеатарот во Струмица, а статуетката за наградата „Астер“ специјално ја изработи македонскиот уметник Никола Пијанманов.

По повод добивањето на ова престижно признание, Антонио Митрикески изјави:

– Оваа награда, да бидам лауреат на годинашново издание на „Астерфест“, за мене е привилегија поради фактот дека нејзини носители се значајни имиња од светот на филмот, и македонскиот и светскиот. Оваа награда воедно ја споделувам со сите филмски работници со кои имам работено, кои се еднакво заслужни за оживување на моите краткометражни и играни филмови.

Сакам да му се заблагодарам на основачот и претседателот на фестивалот г. Горан Тренчовски, за ентузијазмот и посветеноста благодарение на кои со својата екипа успеа да го одржи и да го позиционира овој филмски фестивал на пошироката балканска и европска филмска сцена.

Од моето лично искуство сакам да кажам дека патот за реализирање на едно филмско дело е комплексен, полн со премрежја низ кој проаѓа еден режисер, филмски автор, но интересно е тоа дека токму таа неизвесност ја дава најголемата мотивација да се изработи филмот најдобро што се може, да се даде сѐ од себе. Како педагог сум сведок на успесите на младите режисери, затоа треба на идните генерации да им се овозможи полесно да дебитираат и да се оценуваат само нивните уметнички вредности, а политиката да нема никакво влијание. Само на таков начин ќе ги задржиме младите и успешните во Македонија.

На 2 август, во хотел „Горан Пандев“, во 11 часот, ќе се одржи традиционалниот „Астер портрет“ (Тивериополска филмска беседа) за Митрикески, на кој ќе зборува критичарот Стојан Синадинов.

Сите филмови на Митрикески се прикажувани на поранешните изданија на „Астерфест“. За оваа пригода, на 4 август вечерта, во Амфитеатарот во Струмица, во соработка со Кинотеката на РС Македонија, за струмичката публика ќе има специјална проекција на долгометражниот игран филм „Преку езерото“ на Митрикески, според сценарио на Ташко Георгиевски и Митрикески, со Никола Ристановски и Агњешка Вагнер во главните улоги. „Преку езерото“ е филм во кој Константин мечтае по Елена, која е од другата страна на езерото, и се решава на неизвесна авантура, за пат преку езерото во кајче – за да стигне до неа.

Антонио Митрикески е роден во 1961 г., во Скопје. Дипломира на Државната школа за театар, филм и телевизија во Лоѓ, Полска, на Отсекот за филмска и ТВ-режија, во 1987 година. За време на студиите реализира четири кусометражни филма, и тоа: „Двобој“, „Ден“, „Време“ и „Ехо“. Автор е на две телевизиски драми, „Има ли таму некој“, според Вилијам Саројан, и „Џамбазот и крчмарката“, според сопствено сценарио. Во селекција на Државната висока школа учествува и на повеќе меѓународни филмски фестивали: Оберхаузен, Минхен, Краков, Карлови Вари и др. За филмовите „Ден“ и „Двобој“ добива специјални дипломи и награда на градот Лоѓ. Во 1991 г. го реализира документарниот филм „Љубовта на Кочо Топенчаров“, за кој е награден со Златен медал за дебитантски филм на Мартовскиот фестивал за документарен филм во Белград. Во 1997 г. го реализира долгометражниот филм „Преку езерото“ во македонско-полска копродукција. Филмот премиерно беше прикажан на Фестивалот во Монтреал, доби награда од публиката на Филмскиот фестивал „Браќа Манаки“ – Битола во 1997 година, а исто така, учествуваше на голем број фестивали и е продаден на голем број телевизии во светот. Во 2003 г. го снима долгометражниот игран филм „Како лош сон“ во македонско-хрватско-англиска копродукција. Филмот светската премиера ја доживеа на дваесет и седмиот Mонтреалски светски филмски фестивал. Беше прикажан во официјална конкуренција и доби признание од фестивалот. Во 2011/12 г. реализира седум документарни филмa на тема „Национална борба за ослободување на Македонија“. 

Во 2013 г. реализира единаесет документарни филма од историјата на Македонија. Во 2014 г. го снима долгометражниот игран филм „Деца на сонцето“ во македонско-српска копродукција. Светската премиера се одржа на 24 септември, во Лондон, во официјална селекција на Филмскиот фестивал „Реинденс“. За истиот филм на Македонскиот филмски фестивал во Торонто го добива Златниот медал за најдобар игран филм, а на Филмскиот фестивал во Сиднеј, „Денови на македонскиот филм“, ја добива Наградата за најдобар режисер. Во 2015/16 г. реализира четири документарни филма за градот Битола.

Филмовите на Антонио Митрикески учествуваа на голем број филмски фестивали во Европа, Америка, Азија, Австралија и Африка. Добитник е на повеќе престижни филмски награди. Бил член на жирија на многу значајни меѓународни филмски фестивали. Исто така, одржал работилници за филмска режија во Сиднеј, Белград, Лоѓ, Битола, Бари и др. Во 2006 г. ја издава збирката поезија „Патување“, во 2009 г. збирката поезија „Траги“, а најновата насловена „Простори“ ја издаде оваа година. Основач е на приватното претпријатие за производство на филмови „Хоризон филм“. Во 2012/13 г. ја извршува функцијата претседател на Управниот одбор на „Вардар филм“. Во 2014/15 година е претседател на Управниот одбор на Здружението на филмски режисери во Македонија. Докторира во 2010 г., со докторската дисертација „Теорија и практика на документарниот филм“. Во 2013 г. на истата тема објавува книга-учебник. Работи како професор по предметот Филмска и ТВ-режија на Факултетот за драмски уметности во Скопје.

19. „Астерфест“ во Струмица започнува на 1 август (четврток) во Амфитеатарот, во 20:30 ч., и тој годинава ќе се одвива под мотото „Кинореалност ’24“.

Покровител на фестивалот е Општина Струмица.

Антонио Митрикески лауреат на наградата „Астер“

Водата на Земјата брзо губи кислород и опасноста е огромна

Како тоа што го јадеме во 40-тите може да влијае на нашето здравје во 70-тите

Загрижувачки бројки: Речиси 7% од интернет сообраќајот е злонамерен

Климатската криза ги продолжува деновите, ги нарушува интернетот и ГПС, покажа студијата

Гугл симнат од тронот по 5 години: Новиот квантен компјутер постигна 100 пати подобри резултати од Sycamore

Нарцисоидните луѓе се менуваат како што стареат

Ова се најчестите грешки што ги правиме додека го полниме телефонот

Може ли мумиите да доведат до нова пандемија?

Избегнувајте домати ако имате некоја од овие 5 здравствени состојби

Кај нас

• 
  Што е ново
  
• 
  Својкаст
  
• 
  Муабети
  
• 
  Влог
  
• 
  За нас
  

Кои сме ние

• Дигитална платформа
• Мултимедијални содржини
• Инспиративни приказни
• Будиме идеи

Следете не!

• 
  Facebook
  
• 
  YouTube
  
• 
  Instagram
  
• 
  Tiktok
  
• 
  Linkedin
  

BidSvoj 2023 © Сите права задржани

Во последната епизода на СВОЈКАСТ разговаравме со Кирил Стојменов, меѓународен инструктор за безбедност на вода.

Во последниот поткаст разговаравме со ветеринар Катица Ковачева Брнзевска, која сподели свои искуства и совети за тоа како да бидеме одговорни сопственици на нашите домашни миленици.

Во новиот поткаст разговараме со универзитетскиот професор Ана Витанова Рингачева на тема – Дали македонскиот јазик е навистина во криза?

Во последниот поткаст разговаравме со пратеничките Ели Панова и Даниела Колева. Што значи да се биде жена во политиката?