Наместо да се фокусираат на својот пат, амбициите и да работат на себе, тие често на успехот на другите луѓе гледаат како на потсетник за сопствените неуспеси. Едно од честите прашања е зошто вие сте тука, а не тие. Така, наместо да се радуваат на туѓиот успех, тие чувствуваат огорченост, завист и омраза.

Нечиј туѓ успех и справување со него може да значи страв од промена на односите

Успехот ги менува луѓето, но и меѓусебните односи. Кога ќе станеме успешни во нешто, нашите интереси, начин на живот и приоритети можат да се променат. Луѓето кои се навикнати на некои редовни интеракции со нас може да почувствуваат страв да не изгубат. Исто така, тие може да се плашат дека успехот значи крај на пријателството или блискоста во семејните односи.

Овој вид на страв, обично неразумен, може да акумулира скриено непријателство затоа што луѓето едноставно не сакаат да се променат односите. Денес луѓето се помалку се подготвени за промени бидејќи тие им предизвикуваат непријатност и страв од дополнително „трошење“.

Чувство на инфериорност и туѓ успех

Кога сме успешни, луѓето околу нас може несвесно да почнат да се споредуваат со нас. Ако се несигурни за себе, нашиот успех може да го зајакне нивното чувство на инфериорност. Споредбата со успешните луѓе може да предизвика внатрешен конфликт кај нив: од една страна, восхит од нечиј успех, а од друга, чувство на фрустрација поради сопствените недостатоци, пораз или неуспех. Овие конфликти може да резултираат со завист и омраза, иако таа често останува скриена.

Недоразбирање и недостаток на поддршка

Луѓето блиски до нас може да чувствуваат скриено непријателство затоа што едноставно не ја разбираат страста и трудот што го вложивме за да постигнеме успех. Ако нашите соништа, амбиции и цели не се во согласност со нивните очекувања или вредности, тие може да почнат да не гледаат со презир. Наместо да не поддржат, може да сметаат дека „заборавивме од каде дојдовме“, дури и да мислат дека сме се промениле на лош начин. Сето ова може да додаде повеќе „гориво на огнот“ на скриеното непријателство.

Видлива и невидлива конкуренција: Конкуренција наместо инспирација

Во многу врски постои невидлива конкуренција. Ова особено важи за пријателите или роднините кои имаат слични амбиции како нас. Нашиот успех може да се сфати како закана за нивното чувство за успех и достигнување. Наместо нашиот успех да го гледаат како инспирација, тие го доживуваат како нешто што ги намалува нивните достигнувања. Тој вид на натпреварувачки дух може да создаде и скриен анимозитет и чувство на меѓусебно ривалство. Но, најчесто тоа нема да го признаат …

Чувство на губење контрола

Кога стануваме успешни, стануваме посамоуверени, независни и помалку зависни од другите. Ова може да предизвика фрустрација кај луѓето кои имале чувство на моќ или контрола над нас. Сега, сепак, со постигнатиот успех, докажуваме дека можете сами и дека сме способни да носиме важни одлуки без мислење или помош од другите. Кај некои луѓе, ова може да предизвика чувство на губење контрола врз нашите животи.

Откривање на вистинските намери и лажно пријателство

За жал, успехот понекогаш ги открива вистинските намери на луѓето околу нас. Оние кои беа со нас за придобивки или затоа што се чувствуваа супериорни може да развијат непријателство кога ќе сфатат дека сме ги надминале. Нашиот успех често ја разоткрива неискреноста во односите, бидејќи таквите луѓе често повеќе не можат да ги кријат своите вистински намери.

Како да се справиме со ваквото однесување?

Соочувањето со скриената омраза и непочитувањето на блиските луѓе поради нашиот успех може да биде тешко, мачно и болно. Сепак, важно е да не дозволиме да не обесхрабри. Не обрнувајте внимание на лошите, туку на добрите луѓе околу вас. Препознајте ги вистинските пријатели кои ве поддржуваат. Работете на зајакнување на односите со луѓе кои се радуваат на вашиот успех и не се плашат од вашиот напредок. Поставете здрави граници со оние кои не можат да се справат со вашите достигнувања. Обидете се да им објасните дека вашиот успех не е одраз на нивниот неуспех, туку на вашиот труд, работа, амбиција и посветеност.