BidiSvoj

Планетата гори! Се водат најголем број на војни во последните 10 години

Бројот на војни во 2023 година скокна на 36, што значи дека имало најмногу вооружени конфликти во последните 10 години, е еден од заклучоците на студијата на истражувачите од Факултетот за мировна култура на Автономниот универзитет во Барселона. Дополнително, ситуацијата се влошила во 42 отсто од конфликтите, се наведува во студијата „Alert 2024! Извештај за конфликти, човекови права и градење мир“.

.

Во Африка и Азија се водат дури 17 конфликти со висок интензитет, но најголемо медиумско внимание привлекоа оние во Европа и Блискиот Исток – војната во Украина и меѓу Израел и Палестина, пишува Phys.org.

– Во 2023 година се пријавени дури 36 вооружени конфликти, што е повеќе од претходната година, кога имало 33, а најмногу од 2014 година. Најмногу конфликти имало во Африка, 18 или половина, додека останатите биле во Азија и Пацификот (9), на Блискиот Исток (6), во Европа (2) и во Америка (1). Повисоко ниво на насилство и нестабилност се забележани во 42 отсто од вооружените конфликти во 2023 година, што е значително повеќе од 30 отсто претходната година – се наведува во студијата.

Борба за ресурси

Постојат пет сценарија во кои се гледа дека ситуацијата ескалира во вооружен конфликт – кризата во Етиопија, во Сомалија, во западен Конго, во Судан и меѓу Израел и Хезболах. За разлика од тоа е фактот што кризата во Тигра, област во Етиопија, повеќе нема статус на конфликт.

– Најголем дел од вооружените конфликти беа предизвикани од контрола на територии и ресурси. Овие фактори се идентификувани во 15 од 36 конфликти, што значи 42 проценти. Сепак, борбата за ресурси е поважна, таа беше причина за една третина од конфликтите во 2023 година. Конфликтите околу ресурсите се најчести во Африка – се наведува во студијата.

Конфликтите со висок интензитет се најчести во Африка, дури 70 отсто од нив и на Блискиот Исток 23 отсто, а немало во Северна и Јужна Америка, Австралија и Антарктикот.

– Кога станува збор за приватните безбедносни компании, руската групација Вагнер учествувала во најмалку седум вооружени конфликти на неколку континенти, но најмногу во Африка. Во текот на 2023 година, организацијата беше активна во Либија, Мали, Буркина Фасо, Нигер, Централноафриканската Република, Судан, Украина и Сирија. Во војната меѓу Русија и Украина, групата Вагнер одигра значајна улога околу Бахмут, каде што признаа дека загинале 20.000 нивни борци. Во јуни 2023 година, по неколку месеци конфликт со руските власти, групата Вагнер водеше воен бунт против Москва. Бунтот бил смирен, а водачот на организацијата Евгениј Пригожин починал два месеци подоцна, кога се урнал авионот со кој патувал – се наведува во студијата.

Милитаризација на Европа

Експертите на Школата за култура на мирот наведуваат дека анализата на вооружените конфликти и општествено-политичките кризи во светот во 2023 година идентификува пет што може да се влошат и да станат извор на поголема нестабилност и насилство во 2024 година.

– Ризичните сценарија се закана од нов директен конфликт меѓу Демократска Република Конго и Руанда 30 години по геноцидот во Руанда во 1994 година, така што ризикот конфликтот во Судан да стане хроничен, засилени тензии меѓу Кина и Филипините, сериозна милитаризација на Европа, како и ерозија на меѓународното хуманитарно право во Гази – се наведува во студијата.

Планетата гори! Се водат најголем број на војни во последните 10 години

Почеток на 19. „Астерфест“

Јапонија започнува со клиничко тестирање на вештачки црвени крвни зрнца

Ова се најмоќните и најслабите пасоши во светот

Протеините во крвта го предвидуваат ризикот од развој на повеќе од 60 болести

Откриена е една од најстарите сметки во светот

Кинеските научници го докажаа постоењето на вода во примероците од почвата од Месечината

БидиСвој прашалник: Во светот на жената

Неделата беше најтоплиот ден откако се измерени температурите

Погрешните реченици на родителите често ја уништуваат самодовербата кај децата

Кај нас

Кои сме ние

Дигитална платформа
Мултимедијални содржини
Инспиративни приказни
Будиме идеи

Следете не!

BidSvoj 2023 © Сите права задржани

By admin, 2 monthsJuly 31, 2024 ago

Сите

Почеток на 19. „Астерфест“

Facebook-f

Youtube

Instagram

Tiktok

Linkedin

Почеток на 19. „Астерфест“

Деветнаесеттото издание на интернационалниот филмски фестивал „Астерфест“, во знакот на авторскиот филм, ќе започне на 1 август во 20:30 часот, во Амфитеатарот во Струмица, со проекција на канскиот лауреат „Човекот кој не можеше да молчи“ во режија на Небојша Слијепчевиќ. Овој тринаесетминутен хрватски филм, со Горан Богдан во главната улога, неодамна освои „Златна палма“ за краток филм на Канскиот филмски фестивал.

Дејствието на филмот се случува на 27 февруари 1993 година, во Штрпци, Босна и Херцеговина. Патнички воз на линијата Белград – Бар е запрен од паравоени сили во акција на етничко чистење.

Додека ги извлекуваат невините цивили, само еден човек од 500 патници се осмелува да им се спротивстави. Ова е вистинска приказна за човекот кој не можел да молчи. Филмот е успешна копродукција меѓу Хрватска, Словенија и Бугарија и е во продукција на „Антиталент“ од Загреб, а зад него стојат имињата на продуцентите Катарина Прпиќ и Даниел Пек. Значајно е дека оваа награда авторот Слијепчевиќ му ја посветил на Тома Бузов, човекот кој го инспирирал за овој филм и чијашто приказна ја раскажал.

Лауреат на наградата „Астер“ на овогодишниот „Астерфест“ е македонскиот режисер и сценарист Антонио Митрикески, кој оваа престижна награда ја добива за неговата исклучителна филмска поетика и естетски вдахновениот и минуциозен филмски опус. Наградата на Митрикески ќе му биде доделена на самиот чин на отворањето на „Астерфест“.

Во првата натпреварувачка вечер, покрај „Човекот кој не можеше да молчи“, на програмата се уште дванаесет селектирани кратки филмови: „Гилгамеш“ на Шаќир Весели, „Астран“ на групата автори од „Исарт“, „Глувчевата куќичка“ на Тимон Ледер, „Луди и свесни“ (премиера) на Мануела Златкова, „Споменик“ на Сиџија Џенг и Џјашји Ву, „Малиот талкач“ на Каролина Томкова, „Полжавска приказна“ на Ели Воткинс и Хелен Грифитс, „Песок“ на Розе Торн и Матео Коста, „Сламеница кон иднината“ на Николас Нојхолд, „Оп, риба“ на Вибин Виџајан, „Шепкач“ на Младен Ѓукиќ и „Сржта“ на Оберт.

Втората натпреварувачка вечер започнува во 20:30 часот, во Амфитеатарот, со претставување на двократните оскаровци Ким Магнусон и Ребека Прузан од Данска, кои како југоисточноевропска премиера ќе го прикажат својот најнов филм „Љубовни маки“ во режија на Александер Саул. Веднаш потоа следуваат уште десет ексклузивни кратки филмови: европската премиера на „Избавени од злотворот“ на Бенџамин Хекман и Лук Сарџент и „Мигови“ на Катја Фридрих, „Фортисимо“ на Виктор Цеска, „Солени животи“ на Рустам Мелиев, „Гнездо“ на Настимир Цачев, „За живеењето“ на Сезер Салихи, „Навја“ на Ана Шиленкова, „Почест“ на Мат Цискас, „Прошетка“ на Елонора Венинова и „Ги знаеш правилата“ на Овен Тут.

На програмата се филмови од дваесетина држави од сите меридијани, кои ги потпишуваат референтни, високопрофесионални продукции, универзитети и независни филмски автори, од кои повеќето се веќе искусни, а некои се дебитанти.

Македонскиот ликовен уметник Никола Пијанманов, кој е и член на овогодишното интернационално филмско жири на „Астерфест“, изработи уникатни статуетки што од оваа година ќе бидат официјални награди за лауреатите на „Астерфест“. Пијанманов е уметник роден во Струмица, дипломирал на Факултетот за ликовни уметности на Универзитетот „Св. Кирил и Методиј“ во Скопје. Автор е на повеќе уметнички дела, јавно изложувани, а своите дела ги има претставувано и на неколку самостојни изложби. Како активен и самостоен уметник, тој е целосно посветен на сликањето, вајарството и пишувањето. Другиот член на жирито е Зејгам Азизов, британски филозоф и уметник кој моментално живее и работи во Лондон. Неговото творештво се однесува на глобалната состојба на сликите и нивната можност да ја реартикулираат критичката положба на уметникот низ прашања за времето, сликата и наративните процедури на глобализацијата со јазиците на миграцијата, медиумите и новиот мимезис. Третиот член на жирито е Ганимет Сава, основачка и претседателка на Интернационалниот филмски фестивал „Уметност без граници“ во Приштина. Таа е, исто така, сценограф, филмски и костимски дизајнер, уметнички и моден фотограф. Работела и како активист во различни асоцијации за луѓе со попреченост и за женските права. Жирито ќе одлучува за најдобрите авторски кусометражни филмови во натпреварувачката програма, за „Златната“, „Сребрената“ и „Бронзената потковица“, за Гран при за најдобар краток филм, како и за специјалните плакети „Ацо Алексов“ за најдобар автор и „Ѓорѓи Абаџиев“ за најдобро сценарио, во чест на овие двајца доајени на македонскиот филм.

На 2 август, во хотелот „Горан Пандев“, во 11 часот, ќе се одржи традиционалниот „Астер портрет“ (Тивериополска филмска беседа) за Митрикески, на кој ќе зборува критичарот Стојан Синадинов. Како своевидна филмска посвета на лауреатот Митрикески, четвртата вечер, во Амфитеатарот во Струмица, за струмичката публика ќе има и специјална проекција на неговиот долгометражен игран филм „Преку езерото“, според сценарио на Ташко Георгиевски и Митрикески, со Никола Ристановски и Агњешка Вагнер во главните улоги. „Преку езерото“ е филм во кој Константин мечтае по Елена, која е од другата страна на езерото, и се решава на неизвесна авантура, за пат преку езерото во кајче – за да стигне до неа.

Посебен настан за филмофилите ќе биде и промоцијата на книгата „Филмска објектологија“ на авторот Васил Михаил, на 3 август од 11 часот, во хотелот „Горан Пандев“, којашто ќе ја промовираат Саша Станишиќ и Далибор Плечиќ. Авторот на книгата, преку практични и теоретски инструменти, аргументира и предлага воведување на нова подгранка на филмологијата која ќе се нарекува Филмска објектологија, а сценариото за краток игран филм „Кујна“ е основната појдовна точка од која се развива теоријата за објектот во филмски кадар.

Во чест на наградените, откако жирито официјално ќе ја соопшти својата одлука, на 3 август, пред вечерните проекции, ќе има и кратко претставување на ДВД-то „Македонски кратки играни филмови“ во издание на Кинотека на Македонија, по што ќе следуваат неколку култни филмови од ризницата на македонската кинематографија. Меѓу другото, ќе се прикажат дигитално реставрираната верзија на „Црно семе“, во знак на 5 години од смртта на Кирил Ценевски, како и наградуваниот краток игран филм „Со кренати раце“ на Митко Панов.

На четвртата вечер струмичката публика ќе има прилика да ја гледа раритетната копија на долгометражниот игран филм „Преку езерото“ на лауреатот Антонио Митрикески, како и краткиот филм „Лифт горе, лифт долу“ во режија на Душан Наумовски. Сите овие проекции се овозможени во соработка со Кинотека на РС Македонија.

Покрај дел од авторите од повеќе земји, на Фестивалот се очекуваат и високи претставници од Европската филмска академија, од Скандинавската филмска диструбуција, како и од Британскиот филмски институт.

Деветнаесеттото издание на „Астерфест“ во Струмица ќе се одвива под мотото „Кинореалност ’24“. Со разновидните вечерни проекции во Амфитеатарот и со придружните дневни настани, Фестивалот ќе трае до 5 август вечерта, кога ќе се прикажат наградените филмови од натпреварувачката програма.

„Астерфест филм фестивал“, во пресрет на јубилејната сезона, организира серија промотивни настани и авторски проекции, под насловот „Тивериополски филмски денови“, а ја обнови и едицијата книги „Словенски Орфеј“.

Новитет е и востановувањето на Филмската школа на „Астерфест“, што ќе биде своевидно продлабочување на работилниците и мастер-класовите, но со светски едукациски модел на стекнувања искуства и вештини. Школата ќе биде раководена од врвни академски личности од светот на културата, филмот и драмските уметности.

Покровител на Фестивалот е Општина Струмица.

Почеток на 19. „Астерфест“

Јапонија започнува со клиничко тестирање на вештачки црвени крвни зрнца

Ова се најмоќните и најслабите пасоши во светот

Протеините во крвта го предвидуваат ризикот од развој на повеќе од 60 болести

Откриена е една од најстарите сметки во светот

Кинеските научници го докажаа постоењето на вода во примероците од почвата од Месечината

БидиСвој прашалник: Во светот на жената

Неделата беше најтоплиот ден откако се измерени температурите

Погрешните реченици на родителите често ја уништуваат самодовербата кај децата