За прв пат се појавија непобитни докази дека топлата морска вода навлегува под глечерот Твeјтс, кој е со големина на Флорида и содржи доволно вода за да го подигне нивото на светските океани за 65 сантиметри.

„Загрижувачки е што ја потценуваме брзината со која глечерот се менува, што е погубно за крајбрежните заедници ширум светот“, рече д-р Кристин Дау, професорка на Факултетот за животна средина на Универзитетот во Ватерло и ко- автор на студијата.

Според Телеграф, нејзините зборови: „Твeјтс е најнестабилното место на Антарктикот“.

Како што климатските промени ги зголемуваат глобалните температури сè повисоки и повисоки, глечерите и ледените плочи во планинските региони и поларните ледени капа се топат. Мразот што еродира тече директно во океаните, зголемувајќи го нивото на морето. Секој остар пораст може да биде катастрофален за крајбрежните градови како Лондон, Њујорк и Шангај.

Твeјтс, кој е широк околу 120 километри и длабок 1,2 километри, полека се топи со децении, но сега тим од меѓународни истражувачи откри докази за „засилено топење“.

Авторите на студијата се надеваа дека ќе бидат потребни стотици години за Твeјтс да го изгуби мразот, но сега стравуваат дека тоа би можело да биде прашање на децении. На долг рок, пишува британски Телеграф, единствениот пат напред е да се ограничат емисиите на јаглерод диоксид.

– Да, веројатно стигнавме до точката од која нема враќање – заклучуваат авторите на студијата.

Тие предупредуваат дека ранливите нации, како Кирибати, треба итно да почнат да инвестираат во заштита од пораст на нивото на морето, како што направи Лондон со бариерата Темза.