„Нала е веројатно првата мачка на Интернет која се претставила и мислам дека тоа е една од причините зошто на луѓето им се допаднала“, вели сопственикот. Сијамската мачка станала инспирација за бренд за храна за мачки и лансирала сопствена линија на стоки, со што нејзиниот сопственик заработил огромни 84 милиони фунти.

Нала го држи и Гинисовиот рекорд за најследена мачка на Инстаграм, а ја освои и титулата „ТикТокер на годината“. Кога Пуки беше прашан колку време троши на своите профили на социјалните мрежи, тој рече дека тоа е работа со полно работно време, што е уште една причина зошто популарноста на Нала продолжува да расте.

Зборувајќи за идентитетот на брендот на Нала и нејзината нето вредност, сопственикот вели дека сè уште е во „неверување“.

„Сè уште не верувам во се што се случува, ниту пак мислев дека некогаш ќе стигнам вака, дури и да гостувам на телевизија. Многу сум благодарен за се што се случи и мислам дека се се случува со причина. Тогаш имав само 82 пени на мојата банкарска сметка и ризикував да станам бездомник за да ја спасам оваа кутра мачка“, призна Пуки во ТВ интервју.

И не само што Нала му помогна на Пуки да ги оствари своите соништа, туку и му помогна да најде љубов.

„Мојот партнер и јас се запознавме преку Инстаграм кога го отворив профилот на Нала и почнав да нарачувам машнички. Така ја запознав Шенон, кога ги посвои своите две братучеди: тогаш тие имаа пет и шест години и таа мораше целосно да се откаже од сопствената кариера за да се грижи за нив“, се сеќава Пуки.