Просечната дневна глобална температура беше особено висока во првата половина на месецот, кога достигна два степени повеќе од во прединдустрискиот период четири дена по ред, од 8 до 11 февруари – изјави C3S.

Просечната температура во Европа била 3,3 степени над просекот во периодот од 1991 до 2020 година, а најтопло било во централните и источните делови на континентот. Надвор од Европа, беше невообичаено топло во северен Сибир, централна и северозападна Северна Америка, поголемиот дел од Јужна Америка, низ Африка и во западна Австралија.

Ел Нињо продолжи да слабее во екваторијалниот Пацифик, но температурите на морето беа генерално невообичаено високи.

– Февруари се приклучи на низата рекорди од последните неколку месеци. Колку и да изгледа ова необично, не е вистинско изненадување бидејќи постојаното затоплување на климатскиот систем доведува до нови температурни екстреми. Климата реагира на концентрацијата на гасови со ефектот на стаклена градина во атмосферата, па ако не успееме да го стабилизираме, неизбежно е да се соочиме со нови глобални температурни рекорди и нивните последици – вели Карло Буонтемпо, директор на C3S, во изјавата.