За жал, Apple не сакаше да ги сподели податоците со истражувачите. Покрај времето на екранот, студијата ги откри и апликациите кои се најпопуларни меѓу тинејџерите. TikTok е апсолутен фаворит, кој одзема речиси два часа дневно, што е околу 40 проценти од вкупното време поминато на телефон.

Други апликации кои се популарни меѓу тинејџерите се YouTube со 40 минути и Instagram со 16 минути дневно. Во игра е и Snapchat, кој им одзема десет минути од времето.

Најинтересниот детал од ова истражување е секако фактот дека, иако многу од овие апликации имаат старосна граница од 13 години, тоа не ги спречува младите корисници да бидат активни на нив. Покрај тоа, студијата исто така откри дека известувањата што ги добиваат тинејџерите се движат од 200 до дури 5.000 дневно.

За работите да бидат уште покомплицирани, 97 отсто од тинејџерите ги користат своите телефони дури и за време на училишните часови, што предизвика загриженост кај експертите и родителите. Џени Радески, водечкиот истражувач на студијата, смета дека е потребно да се размисли за стратегиите што би можеле да ги применат училиштата за да се стави оваа ситуација под контрола.

Овој тренд е особено загрижувачки за родителите кои стравуваат дека прекумерната употреба на паметни телефони може негативно да влијае на училишните активности и здравјето на нивните деца. Дополнително, 59 отсто од учесниците имале телефонска активност помеѓу полноќ и 5 часот наутро, вклучително и слушање музика, што може да има дополнително негативно влијание врз нивниот сон и здравје.

Студијата исто така потврди дека обидите на Мета да се ослободи од стигмата дека Фејсбук е „апликација за стари лица“ пропаднаа. Имено, тинејџерите поминувале само една минута од своето време на оваа платформа, што е само 0,1 отсто од вкупното време поминато пред екранот.