Кошарка на „поинаков“ начин во гимназијата Јане Сандански

На иницијатива на учениците СОУ ,,Јане Сандански“ организира интерен кошаркарски турнир на кој силите ќе ги одмерат шест екипи од училиштето по три од гимназиските и економските струки. Тие овие денови треба да се докажуваат во магијата на кошаркарската игра и ќе упатат порака за повеќе спорт отколку „трошење“ време на социјалните мрежи.

„Ја поздравувам и се восхитувам на иницијативата за организирање на првиот училишен турнир во кошарка на Средното Општинско Училиште „Јане Сандански“. По којзнае кој пат, нашето  училиште докажува дека е расадник на таленти од областа на спортот.

Важноста на овој настан е дотолку поголема што доаѓа во еден момент кога социјалните мрежи, насилството и недостатокот на емпатија се обидуваат да завладеат со нашите животи. Денес вие решително им кажувате НЕ на таквите негативни појави и правите промоција на вистинските вредности. Убедена сум дека овој турнир ќе го зајакне спортскиот дух и трајните пријателства меѓу вас. Денес нема да има поразени. Сите ние овде сме победници!“- кажа директорката на училиштето Јане Сандански Невенка Стојанова

Целата организација е на учениците. Тие ги формираа тимовите и си избраа тренери кои се професори но не по физичка култура. Сами најдоа спонзори за сите детали на ова манифестација. Градењето на поинаков, пријателски однос помеѓу професорите и учениците е една од целите на овој турнир. Спортот ги обединува сите, ги прави рамноправни и мотивира за успех.

Kosarka 3
Kosarka 5
Kosarka 7