Позајмена вест од ДРНКА.МК:

Оливера Пепиќ од Струмица – членка Организацијата „Вешта жена“ Струмица на Републичката манифестација за избор на највешта жена во подготвување храна и аранжирање и декорација на маса во Тетово го освои првото место. Таа во конкуренција на 10 тина натпреварувачки од цела држава со нејзината маса ,,Вечера кај кралица“ ги освои симпатиите не само на жирито туку впрочем и на сите пристуни на манифестацијата.

,,Мојата маса беше наречена „Вечера кај кралица“. Мотивот беше поради тоа што секоја жена на момент сака да се почувствува посебно и отмено, да изгледа единствено и кралски. Со еден збор да биде кралица, кралица на својот дом, и на својата трпеза. Сакам да ги охрабрам сите млади домаќинки кои имаат љубов и желба, да спремаат убави специјалитети да се пријават на оваа манифестација затоа што убавото чувство може само да се доживее, изјави победничката Оливер Пепиќ.