Facebook-f Youtube Instagram Tiktok Linkedin

Пристигнува филм за животот на Мајкл Џексон

Поп пејачот Мајкл Џексон во планираниот биографски филм „Мајкл“ ќе го игра неговиот внук Џафар Џексон, објави режисерот на проектот Антоан Фјукуа.

Објавувајќи го Џафар со негова слика во танцова поза како Мајкл Џексон, Фјукуа напиша на социјалните мрежи дека претстојниот филм „ќе ги прикаже настаните што го истражуваат патувањето на човекот кој стана крал на попот“.

Џафар е син на Џермејн Џексон, братот на Мајкл Џексон, и двајцата настапувале како деца во светски познатиот семеен бенд Џексон Фајв.

 Чест ми е да ја оживеам приказната за мојот вујко Мајкл. До сите фанови во светот – се гледаме наскоро“, порача младиот Џексон преку социјалните мрежи. Џафар Џексон има и музичка кариера.

 Датумот на прикажување на филмот „Мајкл“ се уште не е објавен, но режисерот Антоан Фјукуа напиша дека „доаѓа наскоро“.